நீலகிரி மாவட்டம் குன்னூர் அருகே உள்ள வெலிங்டன் ராணுவ பயிற்சி கல்லூரியில் உள்ள ஸ்ரீ நாகேஷ் பேரக்ஸ் சதுக்கத்தில் அஞ்சலிக்காக வைக்கப்பட்டிருந்த பாதுகாப்பு படை பணியாளர்கள் தளபதி பிபின் ராவத், அவரது மனைவி மற்றும் 11 ராணுவ அலுவலர்களின் உடல்களுக்கு முதல்வர் மு.க.ஸ்டாலின் மலர் வளையம் வைத்து உருக்கமாக அஞ்சலி செலுத்தினார்.

துக்கத்தை வெளிப்படுத்தும் விதமாக கழுத்தை சுற்றி கருப்பு துண்டு அணிந்திருந்தார்.

முன்னதாக தெலுங்கானா ஆளுநர் தமிழிசை சவுந்தரராஜனும் பிபின் ராவத் உள்ளிட்ட ராணுவ அலுவலர்களுக்கு மலர் வளையம் வைத்தும் மலர் தூவியும் கண்ணீர் ததும்ப அஞ்சலி செலுத்தினார்.

தொடர்ந்து முப்படைகளின் உயரதிகாரிகள், தமிழக அரசின் உயரதிகாரிகள், காவல்துறை அலுவலர்கள், நீலகிரி மாவட்ட ஆட்சியர், காவல் கண்காணிப்பாளர் உள்ளிட்ட பலர் மலரஞ்சலி செலுத்தினர்.