கோவை தெற்கு தொகுதியில் போட்டியிடும் மக்கள் நீதி மையம் கட்சி தலைவர் கமலஹாசன், வெறித்தனமாக பிரசாரம் மேற்கொண்டு வருகிறார். திரைத்துறையில் அவர் புரிந்த சாதனைகளைவிட, 60 ஆண்டு திரையுலகில் உச்சம் தொட்டத்தைவிட, பிக் பாஸ் நிகழ்ச்சியில் சம்பாதித்த பல கோடி ரூபாய் வருமானத்தை விட கோவை தெற்கு தொகுதி வெற்றி, அவருக்கு மிகப்பெரிய மானப் பிரச்னையாக மாறியிருக்கிறது.

அதற்காக, உயிரைக் கொடுத்து போராடிக் கொண்டிருக்கிறார். அவரின் மானப்பிரச்னை தங்களின் மானப் பிரச்னையாக கருத்தில் கொண்டுள்ளது அவரது குடும்பம். கமலனின் மகள் அக்ஷரா, அண்ணன் மகளும், நடிகையுமான சுஹாசினி ஆகியோர் கோவை தெற்கு தொகுதிக்குட்பட்ட அம்மன் குளத்தில் வீதி வீதியாகச் சென்று நடனமாடி டார்ச் லைட்டுக்கு வாக்கு சேகரித்து வருகின்றனர்.

மேட்தட்டு மக்கள் தெருவில் போடும் நடனத்தை (அவர்களின் வார்த்தையில் குத்தாட்டம்) பார்த்து விளிம்பு நிலை மக்கள் வியந்து நிற்கின்றனர். ஒற்றை வாக்குகிற்கு உள்ள செல்வாக்கு இப்போதுதான் அவர்களுக்க மெல்ல,மெல்ல புரியத் தொடங்கியிருக்கிறது.