தமிழகம் முழுவதும் இன்று 4 வது மெகா தடுப்பூசி முகாம் காலை 7 மணியளவில் துவங்கி தொடர்ந்து நடைபெற்று வருகிறது.

காலை 7 மணிக்கு துவங்கிய முகாம் மாலை 7 மணி வரை தடுப்பூசி முகாம்கள் செயல்படும்.

கடந்த 12 ஆம் தேதி தமிழகம் முழுவதும் 40 ஆயிரம் மெகா தடுப்பூசி முகாம்கள் மூலம் 28 லட்சம் பேருக்கு தடுப்பூசிகள் போடப்பட்டது.

கடந்த 19 ஆம் தேதி இரண்டாவது மெகா தடுப்பூசி முகாமும், கடந்த 25 ஆம் தேதி மூன்றாவது மெகா தடுப்பூசி முகாமும் நடைபெற்றன.

அதன் தொடர்ச்சியாக இன்று தமிழகம் முழுவதும் நான்காவது முறையாக மெகா தடுப்பூசி முகாம் நடைபெறுகிறது.

20 ஆயிரம் முகாம்கள் மூலம் 25 லட்சம் பேருக்கு மேல் தடுப்பூசி போட தமிழக அரசு இலக்கு வைத்துள்ளது.

தற்போது, தமிழக அரசிடம் 25 லட்சம் தடுப்பூசிகள் கையிருப்பில் உள்ளன.

அமைச்சர் மா.சுப்பிரமணியன் ஆய்வு….

4 வது கட்ட முகாமை முன்னிட்டு மக்கள் நல்வாழ்வுத்துறை அமைச்சர் மா.சுப்பிரமணியன் தேனி, சிவகங்கை, புதுக்கோட்டை உள்ளிட்ட மாவட்டங்களில் நடைபெற்று வரும் கொரோனோ தடுப்பூசி மையங்களில் இன்று நேரில் பார்வையிட்டு ஆய்வு மேற்கொள்கிறார்.