திமுக தலைவர் மு.க.ஸ்டாலின், திமுக கூட்டணி வெற்றிக்காக களத்தில் பணியாற்றிக் கொண்டிருக்கும் நிர்வாகிகளின் உழைப்பு மெச்சியும், புகழ்ந்தும் தனது டிவிட்டர் மற்றும் டிவிட்டர் பக்கத்தில் பதிவிட்டுள்ளளார்.

அதன் விவரம் இதோ….

களப்பணியாற்றும் கழகத்தின் இளம் பட்டாளத்தில் உள்ள குயில்மொழி, பி.எம்.யாழினி இருவரும் வீடு வீடாகச் சென்று வாக்கு சேகரிப்பில் ஈடுபட்டபோது, ஏறத்தாழ முக்கால் நூற்றாண்டுக்கு முன் தி.மு.க. உருவாக்கம் தொடர்பான ஆலோசனை நடைபெற்ற எண் 7, பவளக்காரத் தெரு, மண்ணடி வீட்டின் உரிமையாளரான திருவொற்றியூர் சண்முகம் குடும்பத்தாரைச் சந்தித்து வாக்கு சேகரித்ததையும், வாக்குச்சாவடி முகவராகப் பணியாற்றி அனுபவம் பெற்ற பாலசுப்பிரமணியம் என்ற மூத்த முன்னோடியுடன் உரையாடியதையும் நெகிழ்ச்சியுடன் பதிவிட்டுள்ளனர். இருவருக்கும் இவர்களைப் போலப் பணியாற்றும் அனைவருக்கும் பாராட்டுகள். களப்பணியே வாக்குகளின் வலிமையைக் காட்டும். தி.மு.க. கூட்டணியின் வெற்றி எண்ணிக்கையைக் கூட்டும்!