வாக்குப்பதிவு தொடங்கிய காலை 7 மணியில் இருந்து நிறைவுப் பெறும் நேரமான 7 மணி வரை திரையுலக நட்சத்திரங்கள் திரண்டு வந்து வாக்களித்ததன் மூலம் சட்டமன்றத் தேர்தல் வாக்குப்பதிவு கலர்புல் தேர்தலாக மாறிப் போனது… வாக்களிக்க வந்த மக்கள் மட்டுமின்றி, அவர்களை வேடிக்கைப் பார்க்க திரண்ட மக்களாலும், வாக்குச்சாவடிகளில் திருவிழா கொண்டாட்டம் போல உற்சாகம் களை கட்டியது.
எல்லாத்துக்கும் உச்சமாக தல நடிகர் அஜித், வாக்களிக்கும் போது செல்ஃபி எடுத்த ரசிகரோடு முறைத்துக் கொள்ள, தளபதி விஜயோ தனது இல்லத்தில் இருந்து வாக்குச்சாவடி வரையிலான ஒரு சில கிலோ மீட்டர் தூரத்திற்கு மிதிவண்டியில் வந்து, சென்னை ரசிகர்களுக்கே பொங்கல் வைத்துவிட்டுச் சென்றதுதான், திரையுலக நட்சத்திரங்களிலேயே ஸ்பெஷல் சரவெடி….
