இதுதொடர்பாக அவர்களது ஆதரவாளர்கள் வெளியிட்டுள்ள அறிக்கை:

விருப்ப ஓய்வுப்பெற்றுள்ள ஐ.ஏ.எஸ் அதிகாரி உ.சகாயம் , அரசுப்பணியில் இருக்கும்போது “இலஞ்சம் தவிர்த்து…! நெஞ்சம் நிமிர்த்து…!!” என்கின்ற முழக்கத்தைத் தாம் பணியாற்றிய இடங்களில் எல்லாம் எழுதி வைத்து, இலஞ்சம், ஊழலை ஒழிக்க அர்ப்பணிப்போடு கடமையாற்றியவர். அவரின் அளப்பறிய நேர்மையாலும் துணிச்சலான தொடர்செயல்களாலும் ஈர்க்கப்பட்ட இளைஞர்களும் பொதுமக்களும், தமிழ்நாட்டின் சமூக அரசியல் மாற்றத்திற்காக சகாயம் அவர்கள் தலைமையேற்கவேண்டி காத்துக்கிடக்கிறார்கள்.

இந்நிலையில் வருகின்ற (21.02.2021) ஞாயிற்றுக்கிழமை, மாலை
4 மணியளவில், சென்னை, ஆதம்பாக்கத்தில் உள்ள ஜே.பி. பாரடைஸ் மைதானத்தில் நடைபெறும் பொதுக்கூட்டத்தில் உலகத் தாய்மொழி நாளில் உ.சகாயம் தமது அரசியல் அறிவிப்பை செய்கின்றார். இந்த மாபெரும் நிகழ்விற்கான ஏற்பாடுகளை தமிழகம் முழுவதும் உள்ள சகாயம் அவர்களது ஆதரவாளர்கள், ஆர்வலர்கள் மற்றும் சமூக அமைப்பினர் ஒருங்கிணைந்து செய்து வருகிறார்கள்.

உ.சகாயம் கட்டமைக்கும் புதிய அரசியல் பாதையில் இணைய விரும்புபவர்கள் தமிழக அரசியல் மாற்றத்திற்கான
நேர்மையாளர் சகாயம் ஆதரவாளர்கள் & ஆர்வலர்களை தொடர்பு கொள்ளலாம்.
தொடர்புக்கு: 94451 61751 / 98406 55961 / 75502 36975
அலுவலக முகவரி…..72, முதல் முதன்மைச்சாலை, அய்யப்பா நகர், சின்மயா நகர், விருகம்பாக்கம், சென்னை – 92