சென்னை ஏவிஎம் ராஜேஸ்வரி திருமண மண்டப வளாகத்தில் பழங்கால கார் கண்காட்சி நடைபெற்று வருகிறது. சுதந்திரத்திற்கு முன்பு பயன்படுத்தப்பட்ட கார்கள் உள்பட பழமைவாய்ந்த கார்கள் மற்றும் அரிய வகை இருசக்கர வாகனங்கள் பார்வைக்கு வைக்கப்பட்டுள்ளன.

அனைத்து கார்களும் இன்றைக்கும் மிகச் சிறப்பாக இயங்கும் நிலையில் இருப்பதைக் கண்டு பொதுமக்கள் ஆச்சரியமடைந்தனர். ஒவ்வொரு காரின் வடிவத்தையும் ஆர்வத்துடன் அவர்கள் பார்வையிட்டு வருகின்றனர். இந்த கார் கண்காட்சியில் சிறப்பு அழைப்பாளராக கலந்துகொண்ட சென்னை மாநகர காவல்துறையின் முன்னாள் கமிஷனர் ஏ. கே. விசுவநாதன் பார்வையிட்டார். பின்னர், ரிக்ஷா வடிவிலான வாகனத்தில் ஏறி அமர்ந்து வளாகத்திற்குள் சிறிது தூரம் பயணம் செய்தார்.

அதனைப் பார்த்து, பார்வையாளர்கள் உற்சாகமடைந்தனர்.