திரையரங்குகளில் 100 சதவீதம் இருக்கைகளுக்கு அனுமதியளித்த உத்தரவை வாபஸ் பெற்றது தமிழக அரசு..மறு உத்தரவு வரும் வரை 50 சதவீதம் இறக்கைளுடன் திரையரங்குகள் செயல்பட அனுமதி எனவும் அறிவிக்கப்பட்டுள்ளது.

பிரிட்டனில் இருந்து டெல்லி வரும் பயணிகள் கொரோனா நெகடிவ்வாக இருந்தாலும் கண்டிப்பாக 7 நாள் அரசு தனிமைப்படுத்துதல் அவசியம் என தெரிவிக்கப்பட்டுள்ளது. முகாம்களில் 7 நாள் இருப்பதுடன் வீட்டிலும் தனிமைப்படுத்தி கொள்ள வேண்டும் என டெல்லி அரசு அறிவித்துள்ளது.

இந்தியாவில் உருமாறிய கொரோனாவால் பாதிக்கப்பட்டவர்கள் எண்ணிக்கை 82 ஆக உயர்ந்துள்ளதாக மத்திய சுகாதார அமைச்சகம் தகவல் தெரிவித்துள்ளது. ஏற்கனவே 71 பேர் உருமாறிய கொரோனா வைரசால் பாதிப்பு இருந்த நிலையில் மேலும் 11 பேருக்கு தொற்று உறுதி செய்யப்பட்டுள்ளது.

சேலம் 8 வழி சாலைக்கு அனுமதி அளிக்கும் உச்சநீதிமன்ற தீர்ப்பை எதிர்த்து மறு ஆய்வு மனுத்தாக்கல் செய்யப்பட்டுள்ளது.அனுமதி அளிக்கும் தீர்ப்பை சீராய்வு செய்யும்படி சேலம் அயோத்திராயப்பட்டினத்தை சேர்ந்த யுவராஜ் என்பவர் மனு தாக்கல் செய்துள்ளார்.

தொடர் மழை எதிரொலி கொடைக்கானலில் அனைத்து சுற்றுலா தலங்களையும் மூட திண்டுக்கல் மாவட்ட நிர்வாகம் உத்தரவு பிறப்பித்துள்ளது.

தூத்துக்குடி மாவட்டம் ஆறுமுகநேரி பகுதியில் மாவட்ட காவல் கண்காணிப்பாளர் எஸ். ஜெயக்குமார் அவர்கள் தலைமையில் காவல்துறையினரின் கொடி அணிவகுப்பு இன்று நடைபெற்றது. சட்டமன்றத் தேர்தல் ஏப்ரல் மாதம் நடைபெறுவதையொட்டி, பொதுமக்களின் பாதுகாப்பை உறுதி செய்யும் வகையில் அணிவகுப்பிற்கு ஏற்பாடு செய்யப்பட்டதாக தகவல் தெரிவிக்கப்பட்டது.