நாளை காலை சென்னையில் நடைபெறுகிறது..

இதுதொடர்பாக தமிழ்நாடு காங்கிரஸ் தலைவர்கே.எஸ். அழகிரி வெளியிட்டுள்ள அறிக்கை விபரம்: தனது தலைமையில் மாவட்ட காங்கிரஸ் தலைவர்கள் கூட்டம் வரும் நாளை காலை 10 மணிக்குநடைபெறுகிறது.

தொடர்ந்து, தமிழ்நாடு காங்கிரஸ் முன்னாள் தலைவர் ஈ.வி.கே.எஸ். இளங்கோவன் தலைமையில் நாளை மாலை தேர்தல் ஒருங்கிணைப்பு குழு கூட்டம் நடக்கிறது.

10-ந் தேதி காலையில் மாநில செயற்குழு உறுப்பினர்கள், மாநில நிர்வாகிகள் கூட்டம் நடக்கிறது. இதில் நிர்வாகிகள் தேர்தலில் எவ்வாறு பணி புரிய வேண்டும் என்பது குறித்து கருத்துக்கள் கேட்கப்படவுள்ளன. அன்று மாலையில் மூத்த நிர்வாகி பீட்டர் அல்போன்ஸ் தலைமையில் தமிழ் நாடு காங்கிரஸ் தேர்தல் அறிக்கை தயாரிப்பு குழு கூட்டம் நடக்கிறது. இதில் தேர்தல் அறிக்கை தயாரிப்பு குறித்து ஆலோசிக்கப்படுகிறது.

இந்த கூட்டங்களில் தமிழக காங்கிரசின் அகில இந்திய பொறுப்பாளர் தினேஷ் குண்டுராவ், எம்.எல்.ஏ.க்கள், அகில இந்திய காங்கிரஸ் செயலாளர்கள் பங்கேற்கிறார்கள்.

இதில் ராகுல் காந்தியின் தமிழக தேர்தல் சுற்றுப்பயணத்தை சிறப்பாக நடத்துவது குறித்தும் ஆலோசிக்கப்படுகிறது. எனவே, அழைப்பு கடிதம் பெற்றவர்கள் அனைவரும் தவறாமல் கூட்டத்தில் பங்கேற்க வேண்டும் என அவர் தனது அறிக்கையில் குறிப்பிட்டுள்ளார்.